ໂດຍປະຕິບັດຕາມຂໍ້ຕົກລົງຂອງຫົວໜ້າພະແນກສຶກສາທິການ ແລະ
ກິລາແຂວງໄຊຍະບູລີວ່າດ້ວຍການແຕ່ງຕັ້ງພະນັກງານຂອງໂຮງຮຽນເຕັກນິກ-ວິຊາຊີບແບບປະສົມ
ແຂວງໄຊຍະບູລີລົງໂຄສະນາແນະຮັບນັກຮຽນຝຶກອົບົຮມໄລຍະສັ້ນລະດັບ1ພາຍໄຕ້ໂຄງການຝຶກອົບຮົມວິຊາຊີບ
ແລະ ສະນັບສະໜູນວຽກເຮັດງານທຳຂອງໂຄງການ VTESS
ພາຍໃນ5ເມືອງເປົ້າໝາຍຂອງແຂວງໄຊຍະບູລີປະຈຳປີ 2020
ໄດ້ລົງເຮັດວຽກງານດັ່ງກ່າວພາຍໃນ5 ເມືອງຂອງແຂວງໄຊຍະບູລີຄື:
ເມືອງໄຊຍະບລູີ,ເມືອງພຽງ,ເມືອງຫົງສາ,ເມືອງຊຽງຮ່ອນ ແລະ
ເມືອງປາກລາຍໃນທ້າຍເດືອນສິງຫາ ປີ 2020 ໂດຍແມ່ນທ່ານ ທອງດີ ເນົາວັນເພັງ
ຮອງຜູ້ອຳນວຍການໂຮງຮຽນ,ທ່ານ ນາງ ສົມພິດ ສິດທິພອນ ຜູ້ປະສານງານໂຄງການ VTESS
ຂັ້ນແຂວງ,ທ່ານ ນາງ ສົມປອງ ຖາວອນ ຜູ້ປະສານງານຂອງໂຄງການ VTESS ປະຈຳໂຮງຮຽນ ແລະ
ທ່ານ ວິໄລສັກ ພົມມາແກ້ວ
ຮອງຫົວໜ້າພະແນກກິດຈະການນັກສຶກສາຂອງໂຮງຮຽນເຂົ້າຮ່ວມເຊິ່ງກຸ່ມເປົ້າໝາຍເຂົ້າຮ່ວມແມ່ນອຳນາດການປົກຄອງເມືອງ,ຫ້ອງການພາຍໃນເມືອງທີ່ກ່ຽວຂ້ອງ
ແລະ
ນາຍບ້ານຕ່າງໆພາຍໃນເມືອງເຂົ້າຮ່ວມ,ໂດຍໄດ້ຮັບທຶນສະໜັບສະໜູນໃນການຈັດຕັ້ງປະຕິບັດກິດຈຳກຳໃນຄັ້ງນີ້ຈາກໂຄງການ
VTESSເຊິ່ງລາຍລະອຽດມີດັ່ງນີ້:
ໂຄງການຝຶກອົບຮົມວິຊາຊີບ ແລະ ສະໜັບສະໜູນການມີວຽກເຮັດງານທຳ (VTESS) ມີເປົ້າໝາຍເລັງໃສ່ເພື່ອສະໜອງການຝຶກອົບຮົມວິຊາຊີບ
ທີ່ສອດຄ່ອງກັບຄວາມຕ້ອງການຂອງຕະຫຼາດແຮງງານໂດຍສຸມໃສ່ກຸ່ມເປົ້າໝາຍທີ່ເປັນໄວໝຸ່ມຜູ້ດ້ອຍໂອກາດທີ່ນອນໃນເກນອາຍຸລະຫວ່າງ
15 – 35 ປີ, ທີ່ຮຽນ ຈົບຊັ້ນປະຖົມ ແຕ່ບໍ່ຈົບມັດທະຍົມສຶກສາຕອນຕົ້ນ, ເພື່ອໃຫ້ເຂົາເຈົ້າມີວຽກເຮັດງານທຳ,
ປະກອບອາຊີບດ້ວຍຕົນເອງ, ມີລາຍຮັບ ຫຼື ກັບຄືນເຂົ້າສູ່ ລະບົບການສຶກສາ. ໄລຍະຈັດຕັ້ງປະຕິບັດໂຄງການ
(4 ປີ) ເລີ່ມແຕ່ເດືອນສິງຫາ 2019 - ກໍລະກົດ 2023. ໂຄງການດັ່ງກ່າວນີ້ ໄດ້ຮັບທຶນສະໜັບ
ສະໜູນຈາກລັດຖະບານ ສະວິສເຊີແລນ ໂດຍຜ່ານອົງການເພື່ອການພັດທະນາ ແລະ ການຮ່ວມມື ປະເທດສະວິດເຊີແລນ
(SDC) ແລະ ຈັດຕັ້ງປະຕິບັດ ໂດຍ ອົງການ ສະວິສຄອນແທັກ
ແລະ ມະຫາວິທະຍາໄລ ວິທະຍາສາດປະຍຸກ ແລະ ສີລະປະກຳສາດ
(Lucerne University of
Applied Science and Arts or HSLU), ປະເທດ ສະວິດເຊີແລນ. ໂຄງການຝຶກອົບຮົມວິຊາຊີບ
ແລະ ສະໜັບສະໜູນການມີວຽກເຮັດງານທຳ (VTESS) ລວມມີ 3
ອົງປະກອບ ທີ່ກ່ຽວພັນກັນດັ່ງນີີ້:
ອົງປະກອບທີ 1: ການຝຶກອົບຮົມວິຊາຊີບແບບປະສົມ
ແລະ ເສັ້ນທາງເຊື່ອມຕໍ່ (IVET Training and Pathway):
ອົງປະກອບນີ້
ແນໃສ່ປັບປຸງຄຸນນະພາບການຝຶກອົບຮົມວິຊາຊີບ ໃຫ້ສອດຄ່ອງກັບຄວາມຕ້ອງການຂອງຕະຫຼາດແຮງງານ,
ມີຄວາມຍືນຍົງ ແລະ ສ້າງເງື່ອນໄຂອຳນວຍໃຫ້ນັກຮຽນສາມາດສຳເລັດການຝຶກອົບຮົມວິຊາຊີບຂັ້ນພື້ນຖານ ແລະ ສືບຕໍ່ໃນລະດັບທີ່ສູງຂື້ນ. ພາຍໃຕ້ອົງປະກອບດັ່ງກ່າວໂຄງການຈະສຸມໃສ່
1) ທົບທວນຄືນບັນດານິຕິກຳ ທີ່ຕິດພັນກັບວຽກງານຝຶກອົບຮົມວິຊາຊີບແບບປະສົມ ແລະ ກົນໄກການໃຫ້ທຶນ; 2) ຄັດເລືອກເອົາໂຮງຮຽນ
ວິຊາຊີບແບບປະສົມຢູ່ 3 ພາກຄື: ພາກເໜືອ, ພາກກາງ ແລະ
ພາກໃຕ້ຂອງ ສປປ ລາວ ແລະ ສ້າງຂີດຄວາມສາມາດໃຫ້ແກ່ຄູອາຈານຂອງໂຮງຮຽນດັ່ງກ່າວ ເພື່ອໃຫ້ສາມາດສະໜອງການຝຶກອົບຮົມທີ່ມີຄຸນນະພາບ;
3) ປັບປຸງ ແລະ ພັດທະນາຫຼັກສູດການຮຽນ-ການສອນ ໂດຍສົມທົບກັບພາກສ່ວນຜູ້ປະກອບການ
ເພື່ອ ຮັບປະກັນວ່າ ທັກສະຂອງຜູ້ໄດ້ຮັບການຝຶກອົບຮົມຈາກໂຮງຮຽນເຫຼົ່ານັ້ນ ສອດຄ່ອງກັບຄວາມຕ້ອງການຂອງໜ້າວຽກຕົວຈິງ
ທີ່ຜູ້ປະກອບການຕ້ອງການ ກໍຄືຜູ້ໃຊ້ແຮງງານ; ແລະ 4) ສະໜອງການຝຶກອົບຮົມວິຊາຊີບໃຫ້ແກ່ກຸ່ມເປົ້າໝາຍ.
ອົງປະກອບທີ 2 - ການໃຫ້ຄຳປຶກສາ
ແລະ ສະໜັບສະໜູນການມີວຽກເຮັດງານທຳ (Employment Support Services):
ອົງປະກອບນີ້
ແນໃສ່ໃຫ້ຄຳປຶກສາ ແລະ ສະໜັບສະໜູນການມີວຽກເຮັດງານທຳເຊິ່ງຖືວ່າເປັນຮູບແບບໃໝ່ທີ່ຈະຖືກອອກແບບ,
ພັດທະນາ ແລະ ທົດລອງ ນຳໃຊ້ໃນໄລຍະຈັດຕັ້ງປະຕິບັດໂຄງການ. ກິດຈະກຳຮູບແບບໃໝ່ດັ່ງກ່າວ ຈະນຳເອົາກຸ່ມເປົ້າໝາຍ;
ຜູ້ທີ່ອອກໂຮງຮຽນ ມາເຂົ້າຮ່ວມຂະບວນ ການແນະນໍາ ອາຊີບ ເປັນໄລຍະເວລາຫຼາຍເດືອນ
ເພື່ອຊ່ວຍໃຫ້ພວກເຂົາເຈົ້າກັບຄືນເຂົ້າສູ່ການມີວຽກເຮັດງານທຳ, ປະກອບອາຊີບຕົນເອງ, ສ້າງລາຍຮັບ
ຫຼື ກັບຄືນສູ່ ລະບົບການສຶກສາ. ອົງປະກອບນີ້ ແມ່ນເຊື່ອມໂຍງໂດຍກົງກັບອົງປະກອບທີ 1.
ພາຍໃຕ້ອົງປະກອບນີ້ໂຄງການຈະສຸມໃສ່: 1) ດັດປັບຮູບແບບ
ແນວຄວາມຄິດຂອງການໃຫ້ຄຳປຶກສາ ແລະ ສະໜັບສະໜູນການມີວຽກເຮັດງານທຳໃຫ້ເໝາະສົມກັບສະພາບຕົວຈິງຂອງ
ສປປ ລາວ; 2) ຄັດເລືອກເອົາ ບັນດາຄູ່ຮ່ວມງານທີ່ເຮັດວຽກໃຫ້ການບໍລິການຊອກຫາວຽກເຮັດງານທຳຢູ່ພາກເໜືອ, ພາກກາງ ແລະ ພາກໃຕ້ ເພື່ອສ້າງຂີດຄວາມສາມາດຂອງເຂົາເຈົ້າ
ໃນການໃຫ້ຄຳປຶກສາ ແລະ ແນະນໍາວິຊາຊີບກໍຄືສະໜັບສະໜູນການມີວຽກເຮັດງານທຳໃຫ້ມີຄຸນນະພາບດີຂື້ນ;
3) ສະໜອງການບໍລິການ ການໃຫ້ຄຳປຶກສາ ແລະ ແນະນໍາອາຊີບ ກໍຄືສະໜັບສະໜູນການມີວຽກເຮັດງານທຳ ໃຫ້ແກ່ກຸ່ມເປົ້າໝາຍໂດຍສະເພາະຜູ້ທີ່ອອກໂຮງຮຽນ;
ແລະ 4) ສະເໜີໃຫ້ນຳເອົາກິດຈະກຳທົດລອງ ແລະ ບົດຮຽນກ່ຽວກັບການໃຫ້ຄຳປຶກສາ ແລະ ສະໜັບສະໜູນການມີວຽກເຮັດງານທຳ ເພື່ອເຊື່ອມສານເຂົ້າໃນລະບົບການສຶກສາວີຊາຊີບໃນລະດັບຊາດ
ແລະ ລະດັບທ້ອງຖິ່ນ.
ອົງປະກອບທີ 3 - ປັບປຸງສະພາບແວດລ້ອມເອື້ອອຳນວຍຕໍ່ວຽກງານອາຊີວະສຶກສາ
(Improvement of TVET Framework):
ອົງປະກອບນີ້
ຈະເລັງໃສ່ປັບປຸງ ແລະ ສ້າງເງື່ອນໄຂທາງສະພາບແວດລ້ອມທີ່ເອື້ອອຳນວຍຕໍ່ວຽກງານອາຊີວະສຶກສາ
ໂດຍສະເພາະວຽກງານຝຶກອົບຮົມວິຊາຊີບແບບປະສົມ ແລະ ສະໜັບສະໜູນການມີວຽກເຮັດງານທຳໃຫ້ເປັນລະບົບ. ນອກຈາກນັ້ນ, ອົງປະກອບນີ້ຍັງຈະຄັດເລືອກ ແລະ ໃຫ້ການສະໜັບສະໜູນ
ໂຄງການ ຫຼື ກິດຈະກຳທີ່ສ້າງສັນ ທີ່ຕິດພັນກັບການພັດທະນາລະບົບວຽກງານການຝຶກອົບຮົມວິຊາຊີບ
ທັງໃນລະດັບທ້ອງຖິ່ນ ແລະ ໃນລະດັບຊາດ.
ໄລຍະເລີ່ມຕົ້ນ: ເດືອນສິງຫາ 2019 - ມີນາ 2020
ໄລຍະເວລາຂອງໂຄງການ: (4 ປີ) ແຕ່ເດືອນສິງຫາ 2019 - ກໍລະກົດ 2023
ໃຫ້ທຶນໂດຍ: ລັດຖະບານ ສະວິສເຊີແລນ ໂດຍຜ່ານ
ອົງການເພື່ອການພັດທະນາ ແລະ ການຮ່ວມມື ປະເທດສະວິດເຊີແລນ (SDC)
ຜູ້ຈັດຕັ້ງປະຕິບັດ: ອົງການສະວິສຄອນແທັກ /
ມະຫາວິທະຍາໄລ ວິທະຍາສາດປະຍຸກ ແລະ ສີລະປະກຳສາດ (Lucerne University)
ຄູ່ຮ່ວມງານຫຼັກຈາກພາກລັດຖະບານ:
-
ກົມອາຊີວະສຶກສາ, ກະຊວງສຶກສາທິການ ແລະ ກິລາ
(ຄູ່ຮ່ວມງານຫຼັກ)
-
ກົມພັດທະນາສີມືແຮງງານ ແລະ ຈັດຫາງານ, ກະຊວງແຮງງານ ແລະ
ສະຫວັດດີການສັງຄົມ
ກຸ່ມເປົ້າໝາຍ:
-
ຜູ້ທີ່ອອກໂຮງຮຽນ:
ໄວໜຸ່ມ (ອາຍຸ 15 – 35 ປີ) ຜູ້ທີ່ຈົບປະຖົມ ແຕ່ບໍ່ຈົບມັດທະຍົມສຶກສາຕອນຕົ້ນ,
ມາຈາກຄອບຄົວທຸກຍາກ ຫຼື ພື້ນຖານເສດຖະກິດຝືດເຄືອງ.
-
ຄູອາຈານທີ່ສັງກັດໃນສະຖານອະຊີວະສຶກສາ,
ພະນັກງານຈາກສູນຈັດຫາງານ ຫຼື ອົງການຈັດຕັ້ງທີ່ກ່ຽວຂ້ອງ (ຜູ້ໃຫ້ຄຳປຶກສາດ້ານວິຊາຊີບ,
ຄູຝຶກການສ້າງວຽກເຮັດງານທຳ, ຊຸມຊົນ, ແຮງງານເຍົາວະຊົນ, ຜູ້ອຳນວຍຄວາມສະດວກຂັ້ນບ້ານ,
ແລະ ນັກສັງຄົມສົງເຄາະ).
|
1. ຜົນປະໂຫຍດທີ່ຜູ້ເຂົ້າຮ່ວມຝຶກອົບຮົມຈະໄດ້ຮັບຈາກໂຄງການVTESS
1.
|
ເບ້ຍລ້ຽງປະຈຳເດືອນ 650.000 ກີບ
|
5.
|
ຄ່າອຸປະກອນຮັບໃຊ້ການຝຶກ ໂຄງການຮັບຜິດຊອບ
|
2.
|
ເຄື່ອງແບບຝຶກອົບ 2 ຊຸດ
|
6.
|
ຄ່າອຸປະກອນຮັບໃຊ້ການຝຶກ ໂຄງການຮັບຜິດຊອບ
|
3.
|
ເກີບຮັບໃຊ້ການເຮັດພາກປະຕິບັດ 1
ຄູ່
|
7.
|
ຄ່າຫໍພັກຂອງນັກຝຶກອົບຮົມ ໂຄງການນັບຜິດຊອບ
|
4.
|
ຄ່າເດີນທາງໄປ-ກັບ 200.000 ກີບ
|
8.
|
ຄ່າເບ້ຍລ້ຽງໄລຍະຝຶກງານ 795.000ກີບ /ເດືອນ
|
-
ພາຍຫຼ ໂຄງການ VTESS ຈະໃຫ້ຄຳປຶກສາ ແລະ
ສະໜັບສະໜູນການມີວຽກເຮັດງານທຳ (Employment Support Services):
ຜົນປະໂຫຍດທີ່ຈະໄດ້ຮັບຈາກໂຄງການ
1.
1. ຄ່າຊົ່ວໂມງສອນຂອງຄູ-ອາຈານ 8.000 ກີບ/ຊົ່ວໂມງ
2. 2.
ອຸປະກອນ-ເຄື່ອງມືວັດສະດຸຮັບໃຊ້ໃນການຝຶກອົບຮົມ
3. 3.
ຄ່າທີ່ພັກຂອງນັກຝຶກອົບ ແລະ ການປັບປຸງພື໊ນຖານໂຄງລ່າງ ແລະ ສິ່ງອຳນວຍຄວາມສະດວກທີ່ຈຳເປັນຈຳນວນນຶ່ງ
ໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີຈັດການຮຽນ-ການສອນປະກອບມີ 5
ອາຊີບຄື:
1. ການຕິດຕັ້ງໄຟຟ້າໃນອາຄານ
2. ການສ້ອມແປງເຄື່ອງຈັກຂະໜາດນ້ອຍ
3. ຊ່າງກໍ່-ຊ່າງໂບກ
4. ປູກຝັງ
5. ລ້ຽງສັດ
ໄລຍະເວລາຂອງການຝຶກອົບຮົມແມ່ນມີດັ່ງນີ້:
-
ລະດັບໃບປະກາສະນິຍະບັດຊັ້ນຕົ້ນລະດັບ 2
ໃຊ້ເວລາ 6 ເດືອນ
-
ລະດັບໃບປະກາສະນິຍະບັດຊັ້ນຕົ້ນລະດັບ 3
ໃຊ້ເວລາ 9 ເດືອນ
ໄລຍະເວລາທີ່ໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີຈັດການຝຶກອົບຮົມ
-
ເລີ້ມແຕ່ເດືອນ10 ຂອງ ປີ 2020 ຮອດທ້າຍປີ 2023
-
ຄາດເຄເນເປົ້າໝາຍຂອງຜູ້ເຂົ້າຮ່ວມຝຶກອົບຮົມ 964 ຄົນ ເທົ່າກັບ 31%ຂອງເປົ້າໝາຍໂຄງການ
VTESS ວາງໄວ້.
-
ສຳລັບແບບຟອມສະໝັກໃນການຝຶກອົບຮົມແມ່ນສາມາດດາວໂດດໃນເວໄຊຂອງໂຮງຮຽນທີ່ www.ivetxayaboury.blogspot.com ຫຼື
ສາມາດພົວພັນທີ່ຫ້ອງການແຮງງງານ ແລະ ສະຫວັດດີການສັງຄົມຂອງເມືອງທີ່ທ່ານອາໃສຢູ່
-
ຜູ້ສະໝັກສາມາດປະກອບແບບຟອມທາງ Online ແລະ ເລືອກໄລຍະເວລາໃນການຝຶກອົບຮົມຂອງໂຄງການຕາມທີ່ຕົນເອງສະສະດວກໂດຍການສະແດງ
QR Code ຂອງເວບໄຊຂອງໂຮງຮຽນແລ້ວຕອບຕາມນັ້ນ.
ເບີຜູ້ປະສານງານໂຄງການ:
1. ທ່ານ
ນາງ. ສົມປອງ ຖາວອນ
ຜູ້ປະສານງານຫຼັກ ຂອງ ໂຮງຮຽນ; ໂທລະສັບ:
020 56 877 800
2. ທ່ານ ນາງ.
ສົມພິດ ຜູ້ປະສານງານຂັ້ນແຂວງ ຂອງ ໂຄງການ VTESS; ໂທລະສັບ:
020 55 533 577
ການຈັດຕັ້ງການຮຽນ-ການສອນໃນອາທິດທີ 2 ຂອງເດືອນຕຸລາປີ 2020
ແບບຟອມສະໝັກທຶນຝຶກອົບຮົມໄລຍະສັ້ນຂອງໂຄງການ VTESS
ຮູບພາບການເຄື່ອນົຫວກິດຈະກຳຕ່າງໃນເວລາການລົງເຮັດວຽກກັບ 5 ເມືອງເປົ້ມໝາຍຂອງແຂວງໄຊຍະບູລີໃນປີ 2020
ไม่มีความคิดเห็น:
แสดงความคิดเห็น